وقال شهود العيان إنه فى محاولة لتجنب غضب المواطنين اضطرت الشرطة العسكرية إلى التراجع لميدان طلعت حرب، الذى شهد تعزيزات أمنية فى محاولة للسيطرة على تظاهرة شارك فيها المئات الذين استفزهم ماحدث، حيث تزامنت تلك التظاهرة مع مسيرة نظمها نشطاء احتجاجًا على تمديد العمل بقانون الطوارئ.
وهتف المتظاهرون هتافات منددة بسياسات المجلس العسكرى وتمديد قانون الطوارئ معربين عن رفضهم له.
يذكر أن مقهى "البورصة" هو مقهى شهير بمنطقة وسط البلد ويعد مركزا رئيسيا للتجمع والتواصل لعدد كبير من النشطاء السياسيين فى السنوات الأخيرة ولهذا السبب تعرض المقهى لأكثر من حالة مداهمة لإلقاء القبض على النشطاء من قبل جهاز أمن الدولة المنحل فى عهد النظام السابق.
وفور علمهم باقتحام ومداهمة مقهى البورصة ندد النشطاء على مواقع التواصل الاجتماعى بما حدث وشنوا حملة ساخرة، انتقدوا فيها سياسات المجلس العسكرى، التى اعتبروها تستنسخ سياسات نظام مبارك وجهاز أمنه القمعى بنفس الأخطاء وكانت أبرز تعليقاتهم:
- الجمعة الجاية شكلها كدة هتبقى جمعة ابريق الشاى وهنشيش كلنا فى الميدان
- نزل يا بنى الشاى فى الخمسينة ..ده الجيش مآنسنا وسايب سينا
- يا جماعة الميتنج الجاى هنخليه فى ستار بكس وخلينا نشوف هيقتحموها ازاى عشان اوباما يزعل منهم.
- تعمل ثورة يجيلك جيش وفهمناها ..لكن تطلب قهوة يجيلك جيش برضه ؟ !!
- كدة اللى هيتهرب من التجنيد هيدفعوه المشاريب
- أخطأ المجلس عندما اقتحم البورصة ..تقليد أعمى لخطى جهاز أمن الدولة السابق
- كل الشواهد بتقول اننا نتراجع وكأننا معملناش ثورة ..الطوارئ رجعت تانى عشان النشطاء والمجلس متقمص دور من الدولة
- يبدو ان الشرطة العسكرية سابت الصينية عشان تدور على المشاريب
- مش كنتوا زعلانين على الصينية اهم طمعوا فى القهوة كلها
- عدم دفع مرشحي الرئاسة السبعة ثمن مشاريب اجتماعتهم الخفية الجيش يهاجم قهاوي وسط البلد بحثا عنهم
- منصور العيسوى: معندناش قهوة اسمها البورصة
- عمرو مصطفي :ليبتون وراء اقتحام القهوه والدليل "ليبتون..تقدر علي كده" ..لا تعالي بقي
- شارع شارع زنجة زنجة....نزل يابني شوب المانجة
- الحق يابنى اشرب السحلب ..دى الشرطة العسكرية جاية بتتسحب
- بعد حادثة البورصة أتوقع أن نظام مصر مش حيبقى برلماني ولا رئاسي ..... حيبقى فخفخينا
- الإخوان المسلمين: لن نشارك فى موقعة البورصة لأن بعض المشاريب غير متفق عليها! المجلس يلاعب الثوار على المشاريب
- ثورة ثورة حتى النصر .. ثورة فى كل قهاوى مصر
- اللى حصل ده هو تطور طبيعى جدا ماهو اللى يفرط فى صينيته لازم تتاخد قهوته
- بيقولك الهجوم ع القهوة كان بسبب ان اتنين بيلعبوا شطرنج وواحد موت العسكرى
- الجيش اقتحم القهوة خوفاً على صحة الشعب علماً بأنه القهوة الكتيرة مضرة بالصحة ... الجيش خايف عليك يا ابني.
ليست هناك تعليقات:
إرسال تعليق